T. Pumkhothang
Simleitung zaw tul zouta e,
Ngabang bualte huibang mau uh;
Chikleh tuangnung ka siah ding hiam?
Simleitung zaw sawt nawnlou ding.
Aw gam ngaihhuai, damtui luanna,
Na sung ngabang ka bual nuam hi;
Nun chimlou a ka lenna ding,
Ka gelchiang in aw, gelchim kei ing.
Tung si-al leh vandum khen ah,
Tung sunni leh lummei khen ah;
A tang silsial khuapi nuam om,
Lungzuan khitui daibang theng ding.
Simlei ah luankhi nul zong leng,
Thangvan ah luankhi nul kei ning;
Sian in naubang in hon pom dia,
A tulsa simlei ngilhta ning.
Suut siam hileng sutchim kei ning,
Gen siam hileng kua’n ngailou ding?
A ngailoute a zuan theih na’n;
Sutsiam hileng aw ka nuam ngei e.
