T. Pumkhothang
Ngabang ka bual hiai simlei ah,
Luankhi ka nul huibang ka mau;
Thangvan khopi aw ka tun hun in,
Lei gimnate a beita ding.
Aw ngai na’ng e Thangvan khopi,
Lungngaihnate omlouhna mun;
Nunnuam tak a ka lenna ding,
Ka pa gamnuam ka ngai na e.
Tua gam khopi suangmanpha gam,
Lei a pan in ngai in ka mau;
Ginna’n ka don aw ngaihlai a na,
Belamnou in a taanna mun.
Ka Toupa mel ka muh hun in,
A khut a pawn ka lenta ding;
Lei a ka tuahte ka hilhta dia,
Ka mit khitui a beita ding.
