T. Pumkhothang
Hinna hongpia ka Toupa hong it ing,
Mangthang lungngai ka vaihlai in;
Lunglai gil a khamuanna N’ong pia a,
Muanna tuibang na hong luan na.
Hinna hong pia ka Toupa aw,
Nanglou muanna ding ka nei ngei diam?
Lungngai huibang ka mauna simlei ah,
Nang toh om l’eng ka lung nuam hi.
Suanding omlou ka hoihna zong omlou,
Nang toh om di’n kaching zoulou;
Hizong Toupa na itna aw neem toh,
Kong it chi in na hong samlai.
Keimah lampi kazuih khempeuhte leh,
Ka lunggel leh ka ngaihtuahna;
Toupa nang di’n a ching zou ding omlou,
Hizong kong it ka ta nong chi.
