Laa Min:
Hon Domsang
Phuah Hun:
2007
Phuaktu
T. Pumkhothang
Laa hong piandan:
Dinmun niamchik a pan Gospel in hon dopsang dan phawksuakna ziak a hong ki phuak khia ahi. Keimah mimal ah Gospel ziak kia lel a dinmun dopsang a om, phawk khak a om, kei mimawl a dia pilna hon guantu leh hon tawisangtu ahi chih ka phawk a, khosakna niam chik apan hon pi khia in, mi haute leh pilte omna, nekna leh tenna te ah hon pi tung hi, tua din mun a pan a pai sa hunte ka etkik chiang in hiai laa hong piang khia hi. Tua kia a khawllou in ka ngaihtuah na a hong kizom tuh, i minam, saptuamte Gospel ziak kia a hiai chiang tung ihi uh chih toh hon phawk behlapsak zung zung mai , Toupa ei a din hoih hina maizen e chi in hiai laa Toupan ahon gelhkhesak a, kaih kilawm tak toh Gospel ziak kia a dopsang a om chih phawk in HON DOMSANG chih a la min ding in Toupan hon pia hi.
A Thu Tuun:
Kuamah in a phawk bat louh namte dinmun niamte, mimawl tawpte, Pathian itna gospel thu ziak salam leh khalam a khovak muta te ihi uh, Gospel ziak in siamna sannate i nei ua, leitung theihphak in Pathian in ahon bawlta, a zu a va bang a gam mual a nekzongte Toupan hon domsangta, Toupa phat in zaila kilawmte sa in phat ni chih tuh hiai laa in a gen nop pen ahi. Tua Gospel eite’n leng za nailoute kiang ah zasakni, salam khalam a suahtakna a muh sam na ding un.
