T. Pumkhothang
Mang vontawi Immanuel Hondampa a hong piangta,
Mohna pan i sianna di’n a hong piangta;
Lei mite a dia Kumpi, Lemna Lal a hong hi dia,
A gam zaw a bei ngeilou a hong hi ding.
Hondampa a hong piangta, Judia gam Beth-lehem ah,
Amah Kris i Toupa ngei a hong piangta;
Tung Pathian thupi hen la, leitung ah ki lemna leh,
Deihsakna mihingte kiang om hen.
Van mun nuam ahon nusia, lei mun niam ah hong tualkum,
Gan an piakna kung sung ah a hong zaalta;
Nang leh kei a hon it vang, lei mun niam a hon teelta,
Ei di’n Kumpi hong piangta, i sang ding uh.
Na Lalgam ka lung sung uah, tuihing lui in hong luang hen,
Hong piang hen kilemna leh ki-itnate;
Aw Jesu ka hon ngai uh, Lemna Kumpi hi ding in,
Michih dia kilemna Lal Nang hong hi in.
