T. Pumkhothang
Toupa aw na mite’n Nang hong ngilh zouta ung,
Na nasemtute mang hiai hiai uh;
Zinmang in hon zol e, khovel in hon zouta,
Ka vak uh mial khin zouta e.
Hong leng in Toupa aw, hong leng in Toupa aw,
Na Laukha siang in hong phawng halh in;
Na mite ngui zouta, lunglel sul kik lel lou,
Ka siang uah hong leng nawn in aw.
Laukha siang thou nunnem hong hatsak tu ahi,
Ka siang uah na laukha’n hong leng in;
Lungkham huibang maute hong nem in Toupa aw,
Na mite zaitha hong pia in.
Ka khe uh liam zouta, ka khut uh hat zoulou,
Khasiang in hong damsak nawn in aw;
Amangthang mite dia ka nunna uh phal di’n,
Na kha in hong hatsak nawn in.
