T. Pumkhothang
Hounem Thianmang gelsa bang in,
Lia leh tang simthu paibang ki pom;
Thianmang in chibang a tel bang in,
Atamten pakbang hong tawi ung e.
Pakbang hong tawi ung, pakbang hong tawi ung,
Mubang kingai a laitawi lia leh tang,
Lambang hong pak ung, lambang hong pak ung,
Simthu paibang pom lambang hong pak ung.
Zang phualva bang a lengkhawm in,
Manpha vondeih zatam hon tawi un;
Simlei ah kumsawt guabang hing in,
Vualzawlna’n tuibang hon tum hen aw.
Paibang pom simthu ngilh lou in,
Itna’n lemnaang bang hong hekkhawm hen;
Lentualkhiakna simthu ngilhlou in,
Simlei ah tangbang hong dam un aw.
Lunmang in tuibang a gawmsa,
Kuata’n khenna simthu lel kei hen;
Zatam in lampang ahon paksa,
Nuai zinmang in zong hong khen kei hen.
