T. Pumkhothang
I mohna te’n eite hon dou gige a,
Aman eilam hon en nuamlou hi;
Toupa a di’n kihhuai pen i hi zong a,
Aman eite a hon it lailai hi.
Aw! itna thuuk pen, Aw! itna sang pen,
Kalvari a itna hong luang khia;
I mohna khempeuhte dikna toh hon kheek in,
A siangthou in eite a hon bawl zou.
Amah a di’n mohna lianlua omlou hi,
I mohnate bangzah in lian zong;
Ngaihdam zohlouh a nei lou, A sisan in,
A saang khempeuh a di’n damna ahi.
Khrist a-nei mi’n siamlouhtanna nei nawn lou,
Aman mohna khempeuh ngilh zouta;
A siangthou in hon sim a, siangthou hi hang,
Aman mohna khempeuh a paaimang zou.
