T. Pumkhothang
Aw Toupa ka gam uh hon en in,
Khelhna leh gitlouhna te’n munteng a luah zou;
Ki itna a kiamta, hehpihna a bei,
Ka gam uh siatna’n ki dim, Toupa aw hondamsak in.
Ka gam uh Toupa hondamsak in,
Van a pan hon en inla;
Aw Na mite sualna hon mu inla,
Sualna vang a liamsa gam,
Toupa aw hondamsak in.
Duh-amna ki neksiatna gam hi,
Angmasialna toh kidim huaihamna ngen hi;
Siatna tui kihawt in lehlam lehlam ah,
Ka gam uh ahonpi e, Toupa aw hon hondam in.
Khristian gam kichi sam na pi in,
Muanna leh nunnopna te galmuanna omlou;
Kithahna a pung zel, mulkimna beita,
Ka gam uah Na mel kilawm loubang in tulzouta e.
Toupa aw ka gam siatnate uh,
Itna leh zahngaihna toh aw hon enlai in;
Na mite kisik a ahong thum uleh,
Sualna henkol a pan in, Toupa aw hon honkhia in.
