T. Pumkhothang
Hiai lei gentheihna lungngaihna gam ah,
Tu in lungngai in leng mah zong leng;
Thianmang saunuam ah Belamnou vak ah,
Ka len hun chiang in nun nuamta ding.
Simlei ngai lou in tua ah ka leng ding,
Lei gimhuai pel in thangvan sang ah;
Tatsa te mel mu’n lungngaih omnawn lou,
Tangtawn in nunnuam in ka leng ding.
Lei ah gim thuak in huibangmau zong leng,
Dahna lungngaihna’n hon tuam zong leh;
Lungdeih paisa te’n hon ngakna mun ah,
Gim gen theih om lou inn ka nei hi.
Simlei kikhenna khitui luanna gam,
Lungzuang a nau bang kahna gam hi;
Van inn nuam sung a i leen hun chiang in,
Gi bang kikhenna om nawnlou ding.
