T. Pumkhothang
Kei kia’n lampai nawn kei ning,
Simlei tung ka nun sung in;
Toupa toh ton le’ng ka paina,
Thawmhau in lungmang kei ning.
Ka nunna lam hong pi in,
Nang lou in simlei gam ah;
Lungmuanna omlou Toupa,
Na khanuai hon sel in aw.
Ka muh leh zaak khempeuhte,
Lung ka gel khempeuhte zong;
A siangthou lampi zui thei di’n,
Ka nuntakna hong pi in.
Simlei luummei kai zong leh,
Nang hon ompih den in aw;
Sunkhua zankhua ka geel khempeuh,
Na deihbang lam hong pi in.
Ka nuntak ding dan geel na’n,
Lunggim in ka om zong a,
Toupa aw Nang nong ompih leh,
Bang di’n huibang ka mau dia.
