Phuah Hun:
06.03.2012
Phuaktu:
T. Pumkhothang
Phuahna San:
Khatvei Toupa nasepna a ka buai dante ka ngaisut lai in, midang honna entuten hai hon sa ding in gintakna ka nei mawk hi, ka lungsim ah kei leh kei kidawng tuah in, Leitung miten hai honsak leh poi kei chih lungsim a dawnna kichiantak mu a hiai laa ka hon phuah khak ahi.
A taktak in bel ka zak in kuamah in na hailua hon chi het kei uhi, kei Toupan Talent music lam ah hon pia in, zingkal bang, sunhun, leh a khenchiang zan sawt pipi bang hun ka zang zel a, kei kia hilou in midang tampi zawnkhawm leh buaisak ka hihman in, haihuai honsa om ding ngaihsun mawk ka hi zaw hi.
Thu tun:
Leitung mi te’n Toupa na isepna te ah hai bang in hon simta le uh poilou, Jesu nei a ana sep lungkimhuai huntawk mahmah ahih dan leh, pilna siamna sannate bangmah neilou a om himah leng Tou Jesu ka hauhna ahih dan, leh Amah na semtu ka hih leh lungkim huai, teek in vuaita lehang zong, thidangteng in hon beisan taleh zong Jesu neih pen lungkim huai chihte gen ut hi.
