Phuahni:
Nov. 13, 2010
Phuaktu :
T. Pumkhothang
Hong Pian Dan:
MANIPUR EXPRESS News Dated 13, Nov. 2010 ni a hong ki suah, pa khat in a tate 2 mulkimhuai tak a a thahna thu a pan hong kiphuak khia ahi.
Hiai news ka muh phet in ka lungtang na mahmah in, ka tutna pan ding guih in, room lam ah ka paipah a, dohkan tung ah hiai lim ka en thakthak a, lung hon khoih mahmah ziak in khitui toh ka ngaihsutna ki tokpolh gawp hi.
Ki itmahmah innkuan, ki laizom, bawi, papa, nunu chi a laikuang sawkkhawma, zalna laikhun tung a nuihchiam lel khawma, ki it mahmahte dougal kisuah mai ta lungsim ana a, khitui khamzoh ahi kei, ka ngaihtuah khak nini in ka khitui luang den lai hi.
Lampi dang a ka ngaihgtuah zel a, Toupa aw bang hang a Na tate lak hichi hong tung hiam chi in dotna ka bawl kha mawk hi, khristian gam ah hichi bang Toupa mel liahtu hiding mulkimna hongtung, naupang ithuai petmah, poi khoih loute tung a hiai bang thilpoitak hongtung mai tuh a ana mahmah hi.
Kingaihsut tek poimoh hina maizen e, Toupa kiang a i gamsiatna, i minam siat na ziak a maipha zong a, ki lumkhuk poimoh ahita, nu leh pa, uleh nau ki ngaihsun thakni, lung i gel uh, i ki ngaihtuah uh hum lawta ahi, Toupa zuan ni, hon itlai ding ahi chihte lung tang a hong lut zungzung kawm leh, hiai naupang ithuai mahmahte lim(photo) enkawm in Toupan hiai laa a hon pia hi.
A it huai a naupangte nangawn in zong a thuak, A poi in a mulkim huai Tula ii nuntakna.
I thou ding aw i zuan ding Toupa i zuan ding uh, i gam zong Toupa’n ahon it lai, Banghang a i Toupa mel Liahtu ihih lailai, Kisik in Toupa i zuan ding uh.
